Mari belajar bahasa N9 ~ Ally Noor & Mastura : Apo Kono Eh Jang



Ally Noor & Mastura

Apo Kono Eh Jang 

( P: )
Jang oh Jang
Mano pulak poi eh budak bertuah ni
Sonyap yo...
Siaplah jang oi...
Kobau tu tak boghi makan lai

( L: )
Batu kikir jambatan bosi
Gulai udang sebelango
Cubo omak fikir dalam hati
Ayo ni bujang sudah lamo aih

( P: )
Apo kono eh jang kau monong ajo
Orang ke bulan ekau di mano
Muko berpoluh apo teghaso
Carian ubek penawa duko

( P: )
Poilah mandi hari dah tinggi
Jangan temonung menoman tanggo
Ke sawah kito menuai padi
Apo dikonang pekaro yang sudah

( P: )
Si milah kau gilokan
Orang dah masuk meminang
Mano den lotak muko
Kondak kau jang diambik orang
Biar omak cari an lain
Ompuk orang jangan diidam

( P: )
Ha... tu lah, dulu lai den koba kan
Kojo jang... kojo.
Ni.. ke kobun maleh
Ke sawah liat pulak tu

( L: )
Ah.. Omak ni..
Sekolah tinggi tinggi takkan ke sawah do
Buek malu yo...

( P: )
Nak kan anak orang tak payah beduit
Apolah nak jadi kau ni jang oi hai...

( L: )
Abih macano mak
Badan seh ni nak domam yo ghaso eh

( P: )
Dah den koba an dulu kumpo kan duit
Pinanglah copek ini kau tangguh an
Ke sawah kota mengumpo belanjo
Bekonan den si milah buek menantu

( P: )
Apo lai kau sosakan
Menghaung tak ado guno
Milah kawin minggu dopan
Melopong kau jang putih mato
Jangan lai dikonang konang
Asik dikonang merano badan

( L: )
Bekocak air di boting
Limau manih betaruk mudo
Bio becacak koghih dan lombing
Putih kuning den tarik juo

( P: )
Kau nak apo an milah tu pulak
Jangan jang, malu omak
Kito yang susah nanti

( L: )
Seh tak kiro
Seh nak an jugo milah tu mak
Apo nak jadi, jadilah

( P: )
Dah di haruk setan ko budak ni
Dunio pun tak nampak layi...

( L: )
Ke jelobak ke jelobu
Tuai padi tigo tangkai
Kato ombung den...
Kato ongah den...
Kato ocu den
Podih nyo hati menanggung malu
Tak mati badan menghasai... Aih

( P: )
Apo kono eh jang...

Unknown

Phasellus facilisis convallis metus, ut imperdiet augue auctor nec. Duis at velit id augue lobortis porta. Sed varius, enim accumsan aliquam tincidunt, tortor urna vulputate quam, eget finibus urna est in augue.

11 comments:

  1. apo kono eh jang tomonong ajo...eden dilapak-lapak di lakak-lakak baru nak tosodar...hakhakhak....

    ReplyDelete
  2. paham ke??hakhakhak...

    ReplyDelete
  3. Anonymous24/4/12

    Haha ni antare lagu klasik yg saye benarkan masuk telinga.. Bertuah kan lagu ni??? Haha

    ReplyDelete
  4. P#eoniX: Satu hapah pun aku tak paham cer explain sikit apo yang ekou cakap he he he

    ReplyDelete
  5. BP Boy: Huu dasaatttt aar you ears got penapis is it?? ha ha ha ye ye memang sangat2 bertuah... :)

    ReplyDelete
  6. ape yang temenong je...kang haku tampo baru pasan...hakhakhak....(maknenye orang yang temenung tuh mintak penampo cam haku baru nak pasan adeorang lain kat sekelilingnya)hakhakhak...

    ReplyDelete
  7. ha ha ha ni kire jenis-jenis muka mengundang jugak la ni ye?? ha ha ha

    ReplyDelete
  8. hahahaha...eden dok nogoghi sepatah haram tak reti cakap nogoghi.aiyooo

    ReplyDelete
  9. Aku nyanyi lagu ni...
    masa aku kecik2 lagi...

    ReplyDelete
  10. aReLan: ha ha ha ko nogoghi lapan la kalau cenggitu keh keh keh

    ReplyDelete
  11. Koding: Masa lagu ni tgh top aku baru darjah 5 tak silap... ha ha ha nostalgia melotup2 kau lagu ni

    ReplyDelete